Olimpiya çempionu Moskvada güləşəcək

Sərbəst güləş üzrə olimpiya çempionu Cordan Barrouz Moskvada keçiriləcək turnirdə iştirak edəcək.

Allsport.az xəbər verir ki, amerikalı güləşçi sentyabrın 5-də baş tutacaq RAF yarışında mübarizə aparacaq.

38 yaşlı idmançının rəqibi 2016-cı ilin dünya çempionu, rusiyalı Məhəmməd Qurbanəliyev olacaq.

Cordan Barrouz 2012-ci il London olimpiadasında 74 kq çəki dərəcəsində qızıl medal qazanıb. O, həmçinin 6 dəfə dünya çempionu olub, 3 dəfə isə mundialın bürünc medalına sahib çıxıb.