Vüqar Şükürov: Təşkilatçılıq çox yüksək qiymətləndirilib

Gəncədə və Azərbaycanın digər 6 şəhərində keçirilmiş 3-cü MDB oyunlarında özünü yaxşı tərəfdən göstərən AGF-in 1-ci dərəcəli beynəlxalq hakimi Vüqar Şükürov, bu günlərdə Bakıda yeniyetmə güləşçilərin dünya birinciliyində yerli təşkilat komitəsi ilə DGB arasında əlaqələndirici olub.

O, Allsport.az saytına verdiyi müsahibədə deyib ki, Azərbaycanın təşkilatçılığı təqdir edilib və çox yüksək qiymətləndirilib. Dünya güləş birliyinin prezidenti Nenad Laloviç bunu ölkə başçısı İlham Əliyevlə görüşdə onun diqqətinə çatdırıb.

Sözü gedən yarışda 61 ölkədən 670 idmançı, 64 beynəlxalq beynəlxalq referi iştirak edib. Azərbaycan cəmdə 4 gümüş, 3 bürünc medal qazanıb. Müsahibimizə gəlincə, o, ölkənin bacarıqlı ədalət qoruyucularından sayılır və olimpiya dərəcəsi almağa 1-ci namizəddir.