Məmmədyarovdan qələbə, Rəcəbovdan heç-heçə

Şəhriyar Məmmədyarov və Teymur Rəcəbov “Grand Chess Tour” seriyasının ilk mərhələsi olan “Superbet Chess Classic” turnirində növbəti oyunlarına çıxıblar. Allsport.az xəbər verir ki, Şəhriyar Məmmədyarov 5-ci turda qara fiqurlarla Konstantin Lupuleskuya (Rumıniya) qalib gəlib.

Teymur Rəcəbov isə ağ fiqurlarla Rusiya təmsilçisi Aleksandr Qrişuka ilə heç-heçə edib.

Buxarestdə keçirilən turnirdə 5 turdan sonra 3 xalı olan Məmmədyarov Uesli So (ABŞ) və Qrişukla birlikdə ilk 3 pilləni bölüşdürür. Rəcəbov isə 2,5 xalla 6-cıdır.