“Nicat üçün hazırlıq proqramı tərtib olunub”

“Nicat üçün hazırlıq proqramı tərtib olunub”

Allsport.az xəbər verir ki, Azərbaycan şahmat federasiyasının (AŞF) prezidenti Mahir Məmmədov qurumun rəsmi saytına açıqlamasında Nicat Abasovun iddiaçılar turnirinə hazırlığıya bağlı xüsusi proqramın tərtib olunduğunu bildirib:

“FIDE tərəfindən iddiaçılar turniri yaranandan Azərbaycan şahmatçıları əksər yarışlarda iştirak edib. Mütəmadi olaraq Şəhriyar Məmmədyarov və Teymur Rəcəbov iddiaçılar turnirində mübarizə aparıb, hətta qalib gəlməyə yaxın olub. Şəhriyar Berlində qalibiyyətin bir addımlığında olduğu halda ikinci yeri tutdu. Teymur Madrid şəhərindəki turniri üçüncü yerdə başa vurdu. Bu yarışdan sonra Maqnus Karlsen dünya çempionu titulunu qorumaqdan imtina etdi və iddiaçılar turnirində ilk iki yeri tutan şahmatçılar çempionluq uğrunda mübarizə apardı.

Bu il növbəti dəfə Azərbaycan şahmatçısı iddiaçılar turnirində yarışacaq. Nicat Abasov dünya kubokundakı çıxışıyla mötəbər turnirdə iştiraka layiq olduğunu göstərdi. Maqnus Karlsen imtina etmədən öncə belə Nicat bu yarışda iştirakı haqq etdiyini düşünürdüm. Yadınızdadırsa dünya kubokunda üçüncü yer uğrunda görüşün ilk partiyasında Nicat Fabianoya qalib gəldi, sonradan təzyiqə davam gətirə bilmədi və üçüncü yerin bir addımlığında dayandı.

Azərbaycan şahmat federasiyasıyla birgə hazıqlıq planı tərtib olunub. Bildirmək istəyirəm ki, Nicatın yarışa layiqincə hazırlaşması üçün proqram üzrə bütün işlər görülür”.

Qeyd edək ki, İddiaçılar Turniri aprelin 2-25-i aralığında Kanadanın Toronto şəhərində keçiriləcək.