Ölkə başçısı çempion paralimpiyaçılarımızı təbrik etdi

İlham Əliyev Tokio-2020 paralimpiasında qızıl medallar qazanan Azərbaycan idmançılarını təbrik edib. Allsport.az saytı xəbər verir ki, dövlət başçı bununla bağlı öz Tvitter hesabında paylaşım edib. Sitat:

“Milli Paralimpiya komandamızın üzvləri – Şəhanə Hacıyeva, Vüqar Şirinli və Raman Salehi Tokio-2020 yay paralimpiya oyunlarında ölkəmizə qələbə sevincini yaşatdıqlarına görə ürəkdən təbrik edir, onlara və komandamızın digər üzvlərinə bundan sonra da yalnız uğurlar arzulayıram!”