Qadın şahmatçılarımızdan qələbə, kişilər Moldovaya uduzdu

Monteneqronun Budva şəhərində keçirilən şahmat üzrə komandalararası Avropa çempionatı davam edir.

Allsport.az xəbər verir ki, yarışın VII turunda kişilərdən ibarət Azərbaycan millisi növbəti məğlubiyyəti yaşayıb.

Komandamız o qədər də güclü olmayan Moldovaya 1:3 hesabı ilə uduzub. Şahmatçılarımız iki heç-heçə və iki məğlubiyyətə imza atıblar.

Qadın şahmatçılarımız uğurlu çıxışını davam etdirir. İngiltərə ilə görüşü yığmamız 3:1 hesablı üstünlüklə başa vurub. Bu qələbə sayəsində milli liderlə fərqi minimuma endirib. Fransanı məğlub edən Bolqarıstan 12 xalla birinci pilləyə yüksəlib.