“Qarabağ”ın hazırlıq planı bəlli oldu

Qış fasiləsinə turnir cədvəlinin ilk pilləsində yollanan “Qarabağ”ın hazırlıq planı bəlli olub. Allsport.az xəbər verir ki, bu barədə qol.az saytına klubun direktoru Əmrah Çəlikəl məlumat verib.

Komanda yanvarın 10-da Türkiyənin Antalya şəhərində hazırlığa start verəcək. “Qarabağ” Bələk bölgəsində yerləşən “İC Santai” otelində məskunlaşacaq. Hazırlıq 21 gün çəkəcək. Komanda fevralın 2-də vətənə dönəcək.

Ağdam təmsilçisi bu müddət ərzində Antlayada 6 yoxlama oyunu keçirəcək. Artıq bəzi klublarla danışıqlar aparılır. Yoxlama matçları 17 yanvar – 1 fevral aralığında keçiriləcək.