“Qranada”nın futbolçusu “Neftçi”yə keçir?

Çilinin “Union Espanyol” klubunun yarımmüdafiəçisi Matias Kampos karyerasını Azərbaycan çempionatında davam etdirə bilər. Allsport.az xəbər verir ki, bu barədə İspaniya mətbuatı məlumat yayıb.

Məlumatda bildirilir ki, bu futbolçunun xidmətində “Neftçi” maraqlıdır. Müqavilə ilə İspaniyanın “Qranada” klubuna məxsus 25 yaşlı futbolçu ilə Çilinin “Palestino” komandası da maraqlanır.

Qeyd edək ki, “Kampos” karyerası ərzində İtaliyanın “Udineze” və “Syena”, həmçinin İspaniyanın “Erkules” klubunda çıxış edib.