Qubada kros qaçışı üzrə yaz ölkə çempionatı

Allsport.az saytı xəbər verir ki, yarışda paytaxt təmsilçiləri ilə yanaşı, Gəncə, Naxçıvan, Sumqayıt, Xızı, Quba, Qusar, Xaçmaz, Şabran, Siyəzən, Beyləqan, Bərdə, İsmayıllı, Gədəbəy və Naftalandan 200-dən artıq atlet iştirak edib.

Kişilər arasında 10 km məsafəyə qaçışda Bəxtiyar Əsgərli (Bərdə) ölkə çemponu olub. 6 km-də Valeri Qrubski (İsmayıllı), 3 və 2 km-də isə müvafiq olaraq İsgəndər Əsgərov (Gəncə) və Namiq Babayev (Naxçıvan) fəxri kürsünün ən yüksək pilləsinə qalxıblar.

Qadınlar arasında 6 km məsafəyə qaçışda Anna Yusupova bütün rəqiblərini geridə qoyub. 4 km-də Leyla Abduləzizova, 2 və 1 km məsafələrdə isə digər paytaxt təmsilçiləri İlahə Quliyeva və Nila Heydərova yarışın qalibi adını qazanıblar.