- Baxış sayı: 43
- 23 Aprel 2024 10:00
- Baxış sayı: 33
- Aprel 23, 2024
- 0
Dünya çempionu Maqnus Karlsenin təşkil etdiyi çempionlar turunun 3-cü mərhələsi – “Opera Euro Rapid” davam edir. Allsport.az xəbər verir ki, Teymur Rəcəbov üçüncü yer uğrunda fransalı Maksim Vaşye-Laqravla qarşılaşıb.
Təmsilçimiz bu rəqibi ilə ilk gündəki duellərdən qalib ayrılıb. Tərəflər bu gün dörd görüş keçiriliblər. İlk partiyada heç-heçə qeydə alınıb. Növbəti partiyada Rəcəbov ağ fiqurlarla qalib gəlib. Lakin üçüncü dueldə Vaşye-Laqrav üstün olub. Bununla belə, Azərbaycan təmsilçisi dördüncü qarşılaşmada rəqibini təslim edərək, günü 2.5:1.5 hesablı üstünlüklə başa vurub.
Teymur fevralın 14-də Maksimlə daha dörd görüşdə üz-üzə gələcək. İkinci oyun günündə Rəcəbov ən azı heç-heçəyə nail olsa, turnirin bürünc medalına sahib çıxacaq.
Norveçli Maqnus Karlsenlə ABŞ şahmatçısı Uesli So arasındakı final görüşünün ilk günündə qalib müəyyənləşməyib – 2:2.