Ramil Şeydayev “Jilina”da qalır, yeni komandası onu tam ələ keçirmək istəyir

“Jilina” Ramil Şeydayevin transfer hüququna yiyələnmək üçün Türkiyənin “Trabzonspor” klubuna müraciət edib. Allsport.az saytı xəbər verir ki, Slovakiya təmsilçisi millimizin üzvünə görə 500 min avro təklif edib, amma qara dənizlilər bundan 4 dəfə artığını istəyiblər.

21 yaşlı hücumçu üçün “bordo-mavililər”ə 2016-cı ilin yayında Rusiya “Zenit”indən gəlib. O, qışda “sarı-yaşıllar”a 1,5 illiyə icarəyə verilib. Həmyerlimiz son mövsüm “Jilina”nın heyətində 12 oyuna 6 qol və 2 məhsuldar ötürmə ilə ölkə çempionluğunu qazanıb.

Ramil Şeydayev “ay-ulduzlular”ımızın Bakıda Şimali İrlandiya yığmasına qarşı matçdan sonra KİV-ə açıqlamasında Slovakiyada qalacağını demişdi.