Rauf Məmmədov “Aeroflot open”də liderlər qrupundadır

Azərbaycan şahmatçıları Moskvadakı “Kosmos” mehmanxanasında keçirilən “Aeroflot open” festivalında mübarizəni davam etdirirlər.

Allsport.az saytı xəbər verir ki, “A” yarışında 4-cü turda Rauf Məmmədov (2688) qara fiqurlarla rusiyalı şahmatçı Maksim Vavulinə (2604) qalib gəlib. Qrossmeysterimizin hesabında 3 xal var və lider Yevgeni Hayerdən yarım xal geri qalır.

“B” turnirində Nərmin Xələfova (2250) komanda yoldaşı Gülnar Məmmədovaya (2401) qalib gəlib, yarış cədvəlində 2 xalla 52-dir.