Rauf Məmmədov liderliyini qorudu

Moskvada “Aeroflot open” beynəlxalq şahmat festivalında 3-cü turun oyunları keçirilib. Allsport.az xəbər verir ki, “A” turnirində yarışan Rauf Məmmədov Ermənistan təmsilçisi Şant Sarqsyanı məğlub edərək liderliyini qoruyub.

Turun maraqlı qarşılaşmalarından biri 14 yaşlı şahmatçılar – azərbaycanlı və hindistanlı dünya çempionları Aydın Süleymanlı ilə Rameşbabu Praqnanandha arasında olub. Gənc şahmatçılar “sülh”ə razılaşıblar.

Aydın Suleymanlı və Vasif Durarbəylinin 3 turdan sonra 2 xalı var. Rauf Məmmədov isə 3 xal toplayaraq, turnir cədvəlinə liderlik edir.