Şəhriyarla Teymur ilk “10-luq”da

Beynəlxalq şahmat federasiyası (FIDE) yeni reytinq siyahısını açıqlayıb. Allsport.az xəbər verir ki, ilk “10-luq”da Azərbaycanın 2 təmsilçisi yer alıb. Şəhriyar Məmmədyarov bir pillə irəliləyərək 8-ci yerə yüksəlib.

Onun 2770 xalı var. 2 765 xalı olan dünya kubokunun qalibi Teymur Rəcəbov isə 10-cu yerdə qalıb.

Qədir Hüseynov (2665) və Nicat Abbasov (2664) bir pillə geriləyiblər. Onlar müvafiq olaraq, 72 və 75-ci yerlərdə qərarlaşıblar. Rauf Məmmədov (2654) isə 3 pillə geriləyərək 90-cı olub.

Siyahıda ilk “üçlük” dəyişməyib. Norveçli dünya çempionu Maqnus Karlsen (2847) 1-ci, Fabiano Karuana (ABŞ, 2820) 2-ci, Dinq Lijen (Çin, 2791) 3-cüdür.