Sabah “Şuşa şahmat 2022” turnirinin açılışı olacaq

Sentyabrın 21-də Şuşada beynəlxalq şahmat turnirinə start veriləcək. Allsport.az saytı xəbər verir ki, görkəmli şairə və xeyriyyəçi Xurşidbanu Natəvanın 190-illik yubileyinə həsr olunan yarış ayın 21-24-ündə Şuşa şəhərində yerləşən “Qarabağ” mehmanxanasında təşkil olunacaq.

Sabah açılış mərasimi saat 14-də başlayacaq. Sonra yarışın püşkatma və ilk tur keçiriləcək. Kişilər və qadınlar rapid və blits üzrə mübarizə aparacaqlar.

“Şuşa şahmat 2022” turnirinin ümumi mükafat fondu 150 min manatdır.