“Şah” 1 pillə də irəlilədi – türk və müsəlman aləmində ilk, dünyada 2-ci!

FIDE şahmatçıların cari ilin yanvar ayı üçün əmsalını açıqlayıb. Allsport.az saytı xəbər verir ki, yeni siyahıda Şəhriyar Məmmədyarov (2814) bir pillə də irəliləyib. 3-qat Avropa çempionumuz karyerasında və müstəqil Azərbaycan şahmatı tarixində ilk dəfə 2-ci yerə yüksəlib.

Bundan öncə, 3-cü sıraya qalxması da ona aid rekord idi. Onun yeni uğuru bu günlərdə Niderlandın Veyk-an-Zey şəhərində keçirilən superturnirdə 3-cü yer tutmasıdır.

Reytinq siyahısına hazırkı dünya çempionu norveçli Maqnus Karlsen (2843) başçılıq edir.