“Şah” döyüşü yarımçıq tərk etməsinə aydınlıq gətirdi

Şəhriyar Məmmədyarov Cəbəllütariqdə “Masters” turnirini yarımçıq başa vurmasının səbəbini açıqlayıb. Allsport.az xəbər verir ki, qrossmeysterimiz sosial şəbəkə hesabında allergik xəstəlik keçirdiyi üçün yarışı yarımçıq tərk etdiyini qeyd edib:

“Yarışın təşkilatçılarına minnətdaram ki, bu günə qədər mənim yanımda oldular. Əsasən də baş təşkilatçı Stüart Konqestə təşəkkürümü bildirirəm. Artıq, Cəbəllütariqi tərk etmək vaxtıdır. Yenidən geri qayıtmaq ümidi ilə”.

Şəhriyar Məmmədyarov 8 turdan sonra 5 xal toplamışdı. O, son 2 turda iştirak etməmişdi.