1 qələbə, 1 heç-heçə, 1 yenilgi

Şahmat üzrə Azərbaycan yığması onlayn olimpiadada mübarizəyə başlayıb.

Allsport.az xəbər verir ki, Teymur Rəcəbov, Şəhriyar Məmmədyarov, Günay Məmmədzadə, Gülnar Məmmədova, Vüqar Əsədli və Xanım Balacayevadan ibarət kollektiv ilk yarış günündə 3 görüş keçirib.

Startda İsveçə 5,5:0,5 hesabı ilə qalib gələn komanda ikinci oyunda Şençjenlə sülhə razılaşıb – 3:3. Kollektiv son qarşılaşmada isə Macarıstana 2:4 hesabı ilə uduzub.

Onlayn şahmat olimpiadası

“B” qrupu

I tur

Azərbaycan – İsveç – 5,5:0,5

II tur

Şençjen – Azərbaycan – 3:3

III tur

Azərbaycan – Macarıstan – 2:4

Qeyd edək ki, ehtiyat heyətdə Rauf Məmmədov, Qədir Hüseynov, Türkan Məmmədyarova, Ülviyyə Fətəliyeva, Məhəmməd Muradlı və Gövhər Beydullayeva yer alıblar. Qrupda ilk iki pilləni tutan komanda pley-offa vəsiqə qazanacaq. Bu qrupda Fransa, Moldova, Hindistan, Sloveniya, Belarus və Misir yığmaları da mübarizə aparır.