Şahmatçılarımız olimpiada çempionluğunun bir addımlığında

Türkiyənin Çorum şəhərində keçirilən 16 yaşlı şahmatçılar arasında olimpiadanın sonuncu turunun partiyaları başlayıb.

Allsport.az verir ki, turnir cədvəlinin şəriksiz lideri olan 16 yaşadək şahmatçılardan ibarət əsas yığmamız – “Azərbaycan” komandası Olimpiya çempionluğunun bir addımlığındadır. Millimiz sonuncu oyununu Çin yığmasına qarşı keçirəcək. “Azərbaycan-Naxçıvan” komandası isə ev sahibləri ilə qarşılaşır.

“Azərbaycan” komandası 14 xalla birinci pillədədir. Sonrakı iki yerdə Özbəkistan (13 xal) və Qazaxıstan komandaları (12 xal) qərarlaşıblar. “Azərbaycan-Naxçıvan” komandası 8 xalla 27-ci pillədədir.