Şahmatçılarımız olimpiadada liderliyini davam etdirir

Türkiyənin Çorum şəhərində 16 yaşlılar arasında təşkil edilən şahmat olimpiadasının səkkizinci turunun oyunları başa çatıb. Allsport.az xəbər verir ki, yarışda 16 yaşadək şahmatçılardan ibarət əsas yığmamızın – “Azərbaycan” komandasının Ukrayna millisi ilə qarşılaşması heç-heçə başa çatıb. “Azərbaycan-Naxçıvan” komandası isə Honkonq komandası ilə “sülh”ə razılaşıb.

“Azərbaycan” komandası 14 xalla birinci pillədədir. Sonrakı iki yerdə isə Özbəkistan və Qazaxıstan komandaları qərarlaşıblar.