Şahmatçımızdan bürünc medal

Misirdə şahmat üzrə 8, 10 və 12 yaşlı oğlan və qızlar arasında dünya birinciliyinə yekun vurulub.

Allsport.az xəbər verir ki, Azərbaycan şahmatçısı Xaqan Əhməd 12 yaşlılar arasında mükafatçılar sırasında yer almağa nail olub. Şahmatçı 8 xalla üçüncü yeri tutub və bürünc medala layiq görülüb. Bu yaş kateqoriyasında Vyetnam şahmatçısı Duy Xonq Dao 9,5 xalla qalib adını qazanıb.

12 yaşlılar arasında Paşam Əlizadə yekunda 3-5-ci yerləri bölüşdürüb. Əlavə göstəricilərə görə şahmatçı 5-ci olub.

8 yaşlı qızların yarışında Mehriban Əhmədli yarışı beşinci pillədə başa vurub.