YENİLƏNİB

Almaniya klubu “Simurq”u qol vurmasına peşman etdi

Türkiyədə təlim-məşq toplanışında olan “Simurq” bu gün növbəti yoxlama oyununa çıxıb. Allsport.az xəbər verir ki, Georgi Çixradzenin komandası ikinci sınağında Almaniyanın 3-cü Bundesliqasında çıxış edən “Duysburq”la qarşılaşıb.

Matçda hesabı Zaqatala klubu açıb. Amma Almaniya təmsilçisi komandamızı qol vurmasına peşman edib. Qalan dəqiqələrdə 4 qol vuran “Duysburq” darmadağınla qalib gəlib.

Qeyd edək ki, “Simurq” ilk yoxlama oyununda Qazaxıstanın “Şaxtyor” komandasına 3:1 hesabıyla qalib gəlmişdi.

Yoxlama oyunu
15 yanvar

“Simurq” – “Duysburq” – 1:4 (1:3)
Qol: Samir Zərgərov, 23 (1:0).