“Sumqayıt” hazırlığını davam etdirir, növbəti rəqib “Zirə”dir

“Sumqayıt” Premyer Liqa üçün təlim-məşq toplanışını davam etdirir. Allsport.az xəbər verir ki, Aqil Məmmədovun rəhbərlik etdiyi komanda bu gün növbəti məşqinə çıxıb.

Komanda səhər məşqində daha çox fiziki çalışmalara üstünlük verib. “Sumqayıt” axşam “Kapital Bank Arena”da növbəti məşqinə çıxacaq.

Sumqayıtlılar hazırlıq mərhələsi çərçivəsində növbəti yoxlama oyununu yanvarın 23-də 1-ci divizion təmsilçisi “Zirə”yə qarşı keçirəcək. Həmin qarşılaşma saat 16:00-da “Kapital bank Arena”da start götürəcək.