UĞUR
Teymur Məmmədov və İqbal Hacızadə olimpiya çempionu oldu

Nanjinqdə Yeniyetmələrin II Olimpiya Oyunlarında güləş yarışları başa çatıb. Allsport.az xəbər verir ki, üçüncü yarış günündə sərbəst güləşçilər mübarizə aparıb. 63 kq çəki dərəcəsində təmsilçimiz Teymur Məmmədov “A” yarımqrupunda Gürcüstan, CAR və Palav təmsilçiləri ilə qarşılaşıb. 3 görüşdə rəqiblərindən 32 xal alan güləşçimiz, heç bir rəqibinə xal vermədən finala yüksəlib. Finalda Teymur Venesuela idmançısına da heç bir şans verməyib və limpiya çempionu olub. 

1-ci dövrə – Teymur Məmmədov – İveriko Julakidze (GEO) 10:0
2-ci dövrə – Elbert Lukas Steyn (RSA) – Teymur Məmmədov 0:10
3-cü dövrə – Ceyms Didasko (PLW) – Teymur Məmmədov 0:12

FİNAL – Teymur Məmmədov – Antoni Montero (VEN) 7:0

100 kq çəkidə İqbal Hacızadənin yarımqrupda rəqibləri isə, Meksika, Misir və Braziliya güləşçiləri olub. Bütün görüşlərini qələbə ilə başa vuran güləşçimiz rəqiblərinə heç bir xal vermədən 26 xal qazanıb və finala yüksəlib. Finalda İqbal Moldova güləşçisi üzərində inamlı qələbə qazanaraq Olimpiya çempionu olub. 

1-ci dövrə – İqbal Hacızadə – Madeyra Heber (BRA) 11:0
2-ci dövrə – Eduardo Qarsia (MEX) – İqbal Hacızadə 0:10
3-cü dövrə – Abdalla – Elgizavi (EGY) – İqbal Hacızadə 0:5

FİNAL – İqbal Hacızadə – Dmitri Ceacusta (MDA) 5:1

Xatırladaq ki, Nanjinqdə keçirilən yeniyetmələrin II Olimpiya Oyunlarında güləşçilərimiz 1 qızıl və 2 gümüş medala sahib olub. İslambek Dadov (yunan-Roma güləşi, 69 kq) qızıl, Cabbar Nəcəfov (yunan-Roma güləşi, 50 kq) və Leyla Qurbanova (qadın güləşi, 52 kq) gümüş medal qazanıb.

Həmin kateqoriyadan