Teymur Rəcəbov: Baş verənlər Ermənistan rəhbərliyinin terrorçu davranışını göstərir

“Terrorist Ermənistan mülki əhaliyə təkrar-təkrar hücum edir. 5 ölü, 35 yaralı… Gəncə şəhəri münaqişə zonasının xaricindədir, lakin dəfələrlə hücumlara məruz qalması yalnız Ermənistan rəhbərliyinin və hərbi qüvvələrinin terrorçu davranışlarını göstərir”.

Allsport.az saytı xəbər verir ki, bunu dünya şöhrətli şahmatçımız Teymur Rəcəbov Tvitter səhifəsindəki erməni ordusunun Gəncə şəhərinə növbəti dəfə raket zərbəsi atdığı andan bir qədər sonra yazdığı paylaşımında qeyd edib. 3-qat Avropa və dünya kubokunun qalibi ordumuzun şücaətli əsgərləri düşmənlə mübarizə aparırdığını və doğma torpaqlarımızda ədaləti bərpa etdiklərini də qeyd edib.

Şahmatçının ingilis dilində yazdığı paylaşıma çoxsaylı  şərhlər gəlib.