Teymur Rəcəbovun imtina etdiyi yarışın bərpa vaxtı

Şahmat üzrə iddiaçılar turnirinin dəqiq bərpa vaxtı açıqlanıb. Allsport.az xəbər verir ki, FIDE prezidenti Arkadi Dvorkoviç yarışın aprelin 19-da qaldığı yerdən davam edəcəyini bildirib.

Onun sözlərinə görə, İddiaçılar turnirinin 8-ci turu aprelin 19-da Yekaterinburqda baş tutacaq. Şahmatçılar 14-cü tura qədər 10 gün oynayacaqlar.

2019-cu ildə dünya kubokunun qalibi olan Teymur Rəcəbov iddiaçılar turnirindən koronavirusun yayılması səbəbindən imtina etmişdi. Rusiyanın Yekaterinburq şəhərindəki turnir martın 26-da yarımçıq dayandırılıb.