Topaz Premyer Liqasında 29-cu tur rəqəmlərin gözündə

Bu həftə Topaz Premyer Liqasında 29-cu turun oyunları keçiriləcək. Allsport.az xəbər verir ki, eyni gündə keçiriləcək tur avrokuboklara vəsiqə uğrunda mübarizə aparan “Qəbələ” və “Simurq” arasında qarşılaşma ilə əlamətdar olacaq.
“Neftçi” ilə “Xəzər Lənkəran” arasında növbəti “Böyük oyun” da bu tura təsadüf edəcək. Turda “İnter” istirahət edəcək. Peşəkar Futbol Liqasının rəsmi internet saytı isə üz-üzə gələcək cütlərin əvvəlki oyunlarının balansını təqdim edir.

Topaz Premyer Liqası
29-cu tur
9 aprel (cümə axşamı)

141. “Xəzər Lənkəran” – “Neftçi” – 32 oyun, +7=13-12, top fərqi 25:36

Ardıcıl 6 matçdır “Böyük oyun”lardan qolsuz ayrılmayan “Neftçi” son 7 qarşılaşmadan hər birində ən azı 1 xal qazanıb. 8 ildir öz meydanında uduzmayan “Xəzər Lənkəran” ardıcıl 11 ev matçında xal qazanıb. Cənubluların meydanındakı son 3 görüşdə heç-heçə qeydə alınıb.

* – “Qızıl oyun” neytral meydanda keçirilib.

142. “Qəbələ” – “Simurq” – 25 oyun, +9=7-9, top fərqi 25:24

Eyni sayda qələbə qazanan komandaları duelində “Qəbələ” top fərqində minimal üstünlüyə malikdir. Zaqatala təmsilçisi son 3, qəbələlilərsə evdəki son 4 görüşdə qol vurub.

143. “Qarabağ” – AZAL  – 25 oyun, +14=6-5, top fərqi 32:23

Ardıcıl 5 oyunda rəqibinə qalib gələn “Qarabağ” 6 matçdır meydanı qolsuz tərk etmir. AZAL isə son 3 səfərdə rəqib qapısına yol tapıb.

144. “Sumqayıt” – “Bakı” – 11 oyun, +2=5-4, top fərqi 7:9

Komandaların son 5 oyununda 4 heç-heçə qeydə alınıb. Bu matçlarda bakılılar qalib gəlməyib. Paytaxt təmsilçisi səfərdəki son 4 qarşılaşmada qol buraxıb.