“Turan” ilk oyunda qalib gəldi

Qadın voleybolçulardan ibarət “Turan” klubu CEV çempionlar liqasında tarixi matçda inamlı qələbə qazanıb.

Allsport.az xəbər verir ki, Tovuz təmsilçisi turnirin II təsnifat mərhələsinin ilk qarşılaşmasında Xorvatiyanın “Mladost” klubunu qəbul edib.

Azərbaycan çempionu rəqibini doğma azarkeşləri önündə 3:0 hesabı ilə darmadağın edərək avrokuboklarda debüt oyununu qələbə ilə başa vurub.

Tərəflər arasında cavab görüşü oktyabrın 29-da Xorvatiyada olacaq.