“Unibank” şahmat üzrə banklar arasında keçirilən çempionatın qalibi olub

“Unibank” əməkdaşları banklar arasında keçirilən şahmat çempionatını qələbə ilə başa vurublar. Allsport.az saytı xəbər verir ki, yarışda bankın risk menecment departamentinin mütəxəssisi Rəsul Mənsimli 1-ci yeri tutub. Komanda hesabında da “Unibank” qalib olub.

Azərbaycan Banklar Assosiasiyası və Azərbaycan Şahmat Federasiyasının təşkilatçılığı ilə “Ümummilli lider Heydər Əliyevin anadan olmasının 93-cü ildönümünə həsr olunmuş Banklar Arasında Şahmat üzrə şəxsi çempionat” bir həftə davam edib. Bu mübarizədə 20 bankdan 82 nümayəndə qoşulub.