“Vurduğum qolu şəhidlərimizə həsr etdim”

Gürcüstanın “Samtredia” klubunun futbolçusu Nicat Qurbanov klubun “Facebook” səhifəsinə açıqlama verib. Allsport.az xəbər verir ki, 28 yaşlı yarımmüdafiəçi çempionatın 6-cı turunda “Merani”yə qalib gəldikləri oyundan (2:1) danışıb:

“Merani” ilə yaxşı oynadıq. Biz qələbə üçün hər şeyi etdik. Əgər növbəti oyunlarda da belə davam etsək, nəticə yaxşı olacaq”.

Nicat vurduğu qoldan sonra əsgər salamı verməsindən söz açıb: “O ki qaldı vurduğum qol zamanı etdiyim jestə, bu, müharibə zamanı həlak olan mənim bütün həmvətənlərimə həsr olunur. Hazırda onların ailəsi və yaxınları çətin durumdadır. Bu addımımla onları dəstəkləmək istədim”.