“Xəzər Lənkəran” “Bakı” üçün başlayır

Topaz Premyer Liqasının son turundakı oyundan sonra iki günlük istirahətə buraxılan “Xəzər Lənkəran” bu gün toplanır. Allsport.az xəbər verir ki, cənub təmsilçisi Lənkəranda bir araya gələrək bu gündən növbəti turun “Bakı” ilə qarşılaşmasının hazırlığına başlayacaq.

Zədəli futbolçulardan Rasim Ramaldanov və Tural Cəlilovun müalicəsi davam edir və hər iki futbolçunun matç gününə qədər hazır duruma gələcəyi ehtimal olunur. Komanda fevralın 27-də oyun öncəsi son məşqini əsas meydançada tamamlayıb matç saatını gözləyəcək.