“Yaşamaq maraqsız idi”

Fiqurlu konkisürmə üzrə 2020-ci il gənclər arasında dünya çempionu Kamilə Vəliyeva diskvalifikasiya müddətində keçirdiyi hisslərdən danışıb.

Allsport.az xəbər verir ki, 20 yaşlı rusiyalı idmançı həmin dövrdə əvvəlki həyatından heç nə üçün darıxmadığını bildirib:

“Düzünü desəm, heç nə üçün darıxmıram. Açığı, yaşamaq ümumiyyətlə maraqsız idi. İnsan bir rejimə öyrəşir: idman, idman, idman… Birdən-birə bunların heç biri olmur və özünə yer tapa bilmirsən. Üstəlik, karyeranı bitirmək barədə qərar verməmisənsə, sadəcə rahatlanıb divanda otura bilmirsən”.

O əlavə edib ki, hazırda evə qayıtdıqdan sonra adi həyatını davam etdirir və serial izləməyə də vaxt ayıra bilir.