3 həftə məşqlərdən kənar qalacaq

Rusiyanın ikiqat gənclər çempionu Yelena Kostılyova məşqlərini üç həftə dayandırmalı olacaq.

Allsport.az xəbər verir ki, buna səbəb idmançının ayağındakı ağrılardır.

Tibbi göstərişə əsasən, Kostılyova bu müddətdə fiziki yüklənmələrdən uzaq qalacaq.

Fiqurlu konkisürən daha əvvəl də zədəsi səbəbindən Çinin Sian şəhərində keçirilən gənclər arasında qran pprinin mərhələsini buraxıb. Avqustda iştirak ərizəsində olan Kostılyovanı həmin yarışda Sofiya Dzepka əvəz edib.

Kostılyova ikiqat olimpiya çempionu Yevgeni Plyuşenkonun qrupunda məşq edir.