“Daha bir mövsüm Rusiyada çıxış etməyə hazır idim”

Rusiyalı fiqurlu konkisürən Mariya Zaxarova beynəlxalq səviyyədə çıxış etməyə hazırlaşması barədə danışıb.

Allsport.az xəbər verir ki, 2026-cı il Rusiya çempionatının bürünc medalçısı ilk böyüklər mövsümündən sonra ölkəsində daha bir il yarışmağa hazır olduğunu bildirib:

“Sevindim, amma deyə bilmərəm ki, bacardığım qədər çox sevindim. Bir dəfə beynəlxalq yarışda iştirak etmişdim və bununla da kifayətləndi. Daha sonra bunu davam etdirə bilmədim, həmin vaxt zədə almışdım. Sonra qayıtdım və Rusiyada ilk böyüklər mövsümümü keçirdim. Həmin mövsümü emosional baxımdan çox ağır keçirdim.

Yəqin ki, daha bir mövsüm Rusiyada çıxış etməyə, daha sonra isə beynəlxalq yarışlara qatılmağa hazır idim”.

Mariya Zaxarova oktyabrın 8-dən 10-dək Qazaxıstanda keçiriləcək Denis Ten memorialında iştirak edəcək.