Yığmamız hücumçusunu itirdi

Azərbaycan millisi itki ilə üzləşib.

Allsport.az xəbər verir ki, Türkiyə Superliqasında çıxış edən “Konyaspor”un üzvü Mahir Emreli yığmanın təlim-məşq toplanışında və Avro-2024-ün seçmə mərhələsi çərçivəsində bu ay keçirəcəyi oyunlarda iştirak edə bilməyəcək. Çünki 25 yaşlı hücumçu zədələnib.

Millimiz martın 24-də Avstriya, 3 gün sonra isə İsveç yığması ilə qarşılaşacaq. Komandamız hər 2 oyunu rəqib meydanında keçirəcək.