2 güləşçimiz dünya reytinqinin ilk “dördlüy”ündə

UWW sərbəst güləşçilər arasında ilin yekun reytinqini açıqlayıb.

Allsport.az xəbər verir ki, Azərbaycan millisinin 2 güləşçisi – Osman Nurməhəmmədov (92 kq) və Məhəmmədxan Məhəmmədov (97 kq) ilk “dördlük”də yer alıb.

Hər 2 idmançımız Belqradda keçirilən dünya çempionatında gümüş medal qazanıb. Nurməhəmmədov finalda Rizabek Aitmuxana (Qazaxıstan), Məhəmmədov isə Əhməd Tajudinova (Bəhreyn) uduzaraq, ikinci yeri tutublar.

Məhəmmədov Paris-2024 yay olimpiadasına lisenziya qazanıb.