“İrtışskiye Zorı”dən medalla

Akrobatlarımız Qazaxıstandan Vətənə medallarla geri döndülər. Allsport.az saytı xəbər verir ki, Pavlodar şəhərində  keçirilən “İrtışskiye Zorı” beynəlxalq turnirdə 12-18 yaş qrupunda qarışıq cütlükdə Abdulla Əl-Məşayxi və Ruhidil Qurbanlı ən yaxşı nəticəni göstərərək, 1-ci yer tutublar.

Azərbaycanın digər qarışıq cütlüyü, 13-19 yaş kateqoriyasında yarışan Nurcan Cabbarlı və Ağasif Rəhimov 2-ci olublar. Ustalarda kişi cütlüyü Seymur Cəfərov və Murad Əkpərov da bu yarışda gümüş medal qazanıblar.