AAAF-ın baş katibi: Ötən il hazırladığımız proqram bəhrəsini verir

Bu gün gənclər və idman nazirliyində İtaliyanın Milan şəhərində yeniyetmə ağırlıqqaldıranların Avropa birinciliyində uğurlu çıxış edən millinin üzvləri ilə görüş oldu. Allsport.az saytı xəbər verir ki, tədbirdə söz alan AAAF-ın baş katibi Rizvan Rəsulov bu idman növünün Azərbaycanda dərin ənənələrə malik olduğunu dedi:

“İnkişafı üçün keçən il əhatəli konsepsiyanın hazırladıq. Kosovada keçirilən ötən eyni rəqabətdə 2-ci olduq. Hiss olundu ki, iş bəhrəsini verir. Lisey sistemi bu sahədə çox kömək olur. Orda istedadlı idmançılar yetişir. Böyük yolun başlanğıcındayıq.

Çalışacağıq ki, Buenos Ayresdə keçiriləcək yeniyetmələrin olimpiya oyunlarında da yüksək səviyyədə çıxış edək”.