ABŞ-ın baş məqçisi: Bizim güləşçilər Azərbaycanda çox şey öyrənirlər

Gənc sərbəst güləşçilərdən ibarət yığmamız olimpiya mərkəzində təlim-məşq çərçivəsində ABŞ-lı həmkarlarına yoxlama görüşündə 12:2 qalib gəlib. Allsport.az saytı xəbər verir ki, görüşdən sonra rəqib komandanın baş məşqçisi Con Peterson açıqlama verib:

“Bir neçə gündür ki, Bakıda yığmanızla birgə toplanış keçirik. Bizim güləşçilər burada çox şey öyrənirlər. Bu baxımdan təlim-məşq toplanışından çox razıyam. Bu, Bakıya ilk səfərim deyil. Hələ SSRİ dönəmində Azərbaycanda olmuşdum.

2007-ci ildə Bakıda keçirilən dünya çempionatı zamanı da ölkənizə səfər etmişdim. Onu deyə bilərəm ki, insanlarınız əvvəl necə qonaqpərvər idisə, indi də elədir”.