Adı dəyişdirildi

Yeni mövsümdən qadınlar arasında Azərbaycan yüksək liqasında mübarizə aparacaq “Möminə Xatun” voleybol klubunun adı dəyişdirilib.

Allsport.az xəbər verir ki, komanda “Naxçıvan” adı altında fəaliyyət göstərəcək.

Bildirilib ki, təsisçi və klub rəhbərliyinin ortaq qərarı, Azərbaycan voleybol federasiyasının razılığı ilə klub bundan sonra fəaliyyətini “Naxçıvan” adı altında davam etdirəcək.

Bu addım komandanın həm yerli, həm də gələcəkdə beynəlxalq arenada Naxçıvanın vahid idman brendi kimi tanınmasına xidmət edəcək.