Asif Şirəliyevə növbəti yüksək etimad

Serbiya paytaxtı Belqradda şəxsi dünya kubokunda həmyerlimiz Asif Şirəliyevə növbəti yüksək etimad göstərilib. Allsport.az saytı xəbər verir ki, o bu dəfə sərbəst güləşdə 92 kq-da Əlixan Cəbrayılovla (Rusiya) Georgi Rubayev (Bolqarıstan) arasında final görüşündə xalçada olub.

Öncə olimpiya dərəcəli referimiz yunan-Roma güləşində 77 kq-da Roman Vlasov (Rusiya) – Zoltan Levay (Bolqarıstan) arasında həlledici tutaşmanı idarə etmişdi. Azərbaycanlı ədalət təmsilçisi 3-cü yer uğrunda qarşılaşmalarda da döşəkdə və yanda yer alıb.