Aslan Ağayev: “Nəzərdə tutulan həyata keçdi, indi qalır bunu Tokioda uğurla bitirmək”

Bolqarıstan paytaxtı Sofiyada güləş üzrə dünya olimpiya təsnifatında qadınlarda 68 kq-da çıxış edən Elis Manolova Tokio oyunlarına vəsiqə qazanıb. Bu, yarışda yiyələndiyimiz yeganə lisenziya olub. Komandanın baş məşqçisi Aslan Ağayev allsport.az saytına açıqlamasında, millinin çıxışını belə dəyərləbdirib:

“Bu yarışda 1 lisenziya nəzərdə tutmuşduq. Allaha çox şükür olsun ki, istəyimizə nail olduq. Əlbəttə, digər qızlara da böyük ümid vardı. 57 kq-da Alyona Kolesnik qazana bilərdi, amma qismət olmadı. 62 kq-da Tatyana Omelçenko da yaxşı idi. Yəqin, nəsə çatışmadı, o da lisenziyasız qaldı.

Allah qoysa, Tokio olimpiadasına 2 qadın idmançı ilə yollanacağıq. Komandanın öncülü Mariya Stadnikə və Elis Manolovaya inam çoxdur. Qoy az olaq, amma olimpiadada medalımız olsun. Nəzərdə tutulan həyata keçdi, indi qalır bunu Tokioda uğurla bitirmək”.