Avropa ağırlıqqaldırma federasiyasının yeni prezidenti türkiyəli oldu

Bu gün Moskvada Avropa ağırlıqqaldırma federasiyasına prezident seçkiləri keçirilib. Allsport.az saytı xəbər verir ki, konqresdə AAF-in baş katibi, türkiyəli Həsən Ağquş rəhbər seçilib.

Bəzi nümayəndə heyətlərinin Moskvadakı konqresə gəlməsini qeyri-mümkün edən koronavirus pandemiyası ilə əlaqədar olaraq, seçkilər qarışıq formatda keçirilib.

Nümayəndələr kağız bülletenlərdən istifadə ediblər. Toplantıda iştirak edə bilməyənlər onlayn formada səs veriblər.