Azərbaycanlı NBA məktəbinə qəbul olub

Yeniyetmə basketbol millimizin üzvü Hüseyn Qaflanov Litvada yerləşən NBA məktəbinə qəbul olub. Allsport.az saytı xəbər verir ki, 14 yaşlı 2.06 metr boya malik istedad, Azərbaycan basketbol federasiyasının dəstəyi ilə Litvanın paytaxtı Vilnüsə yola düşüb.

O, 2024-cü ilin yayına qədər bu məktəbdə xarici mütəxəssislər tərəfindən müasir tələblərə uyğun məşqlərdə iştirak edəcək və basketbol biliklərini daha da təkmilləşdirərək gələcəkdə NBA seçmələrinə haqq qazanmağa çalışacaq.