“Azərreyl”lə “Murov Az Terminal” inamlı qələbə qazanıb

Yüksək liqada yeni ilin ilk qarşılaşmaları keçirilib.
Allsport.az xəbər verir ki, ilin ilk oyunları kişi voleybolçular arasında olub. GİN-nin voleybol mərkəzində IV turun iki qarşılaşması baş tutub. MOİK “Azərreyl” ilə, “Murov Az Terminal” isə “Xilasedici” komandası ilə üz-üzə gəlib. Hər iki oyunda 3:0 hesabı qeydə alınıb. “Azərreyl” MOİK-i, “Murov Az Terminal” isə “Xilasedici” komandasını quru hesabla məğlub edib.
IV turun son oyunu sabah keçiriləcək. “Neftçi” “Gənclər”lə üz-üzə gələcək.

Yüksək liqa (kişilər)
IV tur
MOİK – “Azərreyl” 0:3 (12:25, 10:25, 14:25)
“Murov Az Terminal” – “Xilasedici” 3:0 (25:21, 25:19, 25:16)

8 yanvar
16:00. “Neftçi” – “Gənclər”
Ünvan: GİN-nin voleybol mərkəzi