AzDBTİA-nın güləş zalı yenidən istifadəyə verildi. Açılışda nazir Azad Rəhimov da iştirak etdi

Azərbaycan dövlət bədən tərbiyəsi və idman akademiyasında əsaslı təmir olunan güləş zalı yenidən istifadəyə verilib. Allsport.az saytı xəbər verir ki, bu gün açılışda gənclər və idman naziri Azad Rəhimov və güləş federasiyasının prezident əvəzi Namiq Əliyev iştirak edib. ADBTİA-nın rektoru Fuad Hacıyev qonaqları yenidənqurma işləri ilə yaxından tanış edib. 

Ümumi sahasi 402 kv m olan güləş zalı məşq zamanı tələbələrin fiziki dözümlülüyünün artırılması üçün xüsusi müasir avadanlıqlarla təchiz olunub. Güləş zalında həmçinin uzun illər akademiyada fəaliyyət göstərən “İdmanın təkmübarizlik növləri” kafedrasının müdiri professor Xanlar Qurbanovun həyat və fəaliyyətini əks etdirən guşə yaradılıb, xatirə lövhəsi asılıb.

Qeyd edək ki, zalda fiziki hazırlıqla məşğul olmaq üçün trenajor alətləri, kanatlar və nərdivanlar da mövcuddur. 

Həmin kateqoriyadan