Bahadırlarımız çimərlik güləşində uğurlu çıxış edib

Portuqaliyanın Çaves şəhərində çimərlik güləşindən dünya seriyası keçirilib. Allsport.az saytı xəbər verir ki, ilk dəfə bu rəqabətə qatılan bahadırlarımız uğurlu çıxış ediblər.

Oyan Nəzəriani (+90 kq) qızıl, Pənah İlyaslı (70 kq), İbrahim Yusubov (80 kq) gümüş medal qazanıblar.

Növbəti sınaq mayın 10-11-də Braziliyanın Rio de Janeyro şəhərində keçiriləcək. Bu yarışlar oktyabrda ABŞ-da keçiriləcək dünya çimərlik oyunlarına lisenziya xalları verir.