Bahadırlarımız qitə çempionatı üçün paytaxtda bir araya gəliblər

Aprelin 8-14-də Rumıniyanın paytaxtı Buxarestdə Avropa çempionatı keçiriləcək. Allsport.az saytı xəbər verir ki, bahadırlarımız bu sınağın son hazırlıqlarına başlayıblar.

Martın 25-dən etibarən sərbəst və yunan-Romaçılarımız Olimpiya Güləş Mərkəzində bir araya gəlib. Qadınlardan ibarət yığmamız isə son toplanışı Ukraynada keçir. Martın 25-dən startı verilən toplanış aprelin 8-dək davam edəcək. Komandamız Buxarestə də Kiyevdən yollanacaq.

Qeyd edək ki, qitə çempionatının reqlamentinə əsasən, aprelin 8-10-də sərbəst, 10-12-də qadın, 12-14-də isə yunan-Roma güləşçiləri mübarizə aparacaq.