“Bu, çox qürurverici hissdir”

Slovakiyada keçirilən Avropa çempionatında qızıl medal qazanan Həsrət Cəfərov Vətənə dönüb.

Allsport.az xəbər verir ki, üçqat qitə çempionu bunun qürurverici hiss olduğunu bildirib:

“Allaha şükürlər olsun, vətənə qızıl medalla qayıtdıq. Həm özüm, həm də komandamız çempion oldu. Bu, çox qürurverici hissdir. 3-cü dəfə Avropa çempionu oldum və bu göstəricidə Rafiq Hüseynova çatdım. Bundan sonra dünya çempionatına hazırlaşacağıq. Bir həftəlik istirahətdən sonra məşqləri bərpa edəcəyik. Daha sonra Vladiqafqaza təlim-məşq toplanışına yollanacağıq”.