DÇ-yə hazırlıq davam edir

16-24 sentyabrda Serbiyanın paytaxtı Belqradda güləş üzrə dünya çempionatı keçiriləcək. Allsport.az saytı xəbər verir ki, milli komandalarımız Paris-2024-ə vəsiqə verən məsul yarışa hazırlığı davam etdirir. “Sərbəstlər” avqustun 9-dan Göygöl olimpiya idman kompleksində təlim-məşq keçir. Hazırlıq ayın 23-dək davam edəcək. Sonra komandamız son mərhələni Bakıda keçəcək.

Yunan-Roma və qadın güləşi üzrə millilərimiz isə paytaxtda bir araya gəlib. AGF-in təlim-məşq bazasında baş tutan toplanış avqustun 10-da start götürüb. Qadınlar bazar günü Bakı toplanışını başa vuracaqsa, yunan-Roma güləşi üzrə yığmamız ayın 24-dək gündə 2 dəfə olmaqla intensiv məşqləri davam etdirəcək.